IES Perdouro. Por 365 días de respecto e igualdade.

Este curso a nosa compañeira Alicia Geada, do departemento de Matemáticas, axúdounos a dar visibilidade a moitas das mulleres importantes no ámbito. Dende o noso equipo agradecemos enormemente e aportación e colaboración con este traballo:  Unha das cuestións tratadas nas clases de Matemáticas é a historia das Ciencias, e de como as mulleres foron en moitas ocasións ninguneadas e silenciadas. Isto leva a falar das mulleres matemáticas desde Téano (da escola pitagórica) ata, por exemplo, Mileva Marić, primeira muller de Einstein. Esta persoa, en concreto, chámalle moito a atención ao noso alumnado porque coñecen a Einstein, pero non teñen nin idea da historia de Mileva e do trato que recibiu por parte de el.

 O pasado 19 de febreiro as compañeiras de Pantallas Amigas visitaron de novo o noso centro co fin de ofrecer un obradorio enmarcado no Plan Proxecta+ da Consellería de Educación. nesta ocasión foi alumnado de Ciclo Básico de Administración e Finanzas. Aprnedemos novos perigos no contexto dixital e estamos máis concienciados sobre diferentes problemas que se poden dar. Grazas á relatora e ás alumnas que realizaron a cŕonica desta actividade.

Nesta ocasión tivemos a oportunidade  de reflexionar sobre todos eses aspectos discriminatorios que aparecen de forma velana na publicidade no noso día a día. O alumnado de ciclos medio e superior das ramas de Administración e Finanzas así coma o de Perruquería e Coidado Capilar, tiveron a ocasión de poñer o foco de atención nestes pequenos detalles qeu poden chegar a marcar  a unha persoa simplemente polo seu xénero. os exemplos amosados e a vñia didáctica desta charla, fixeron da actividade unha boa forma de achegármonos a aspectos publicitarios descoñecidos ata o de agora para nós.

O pasado 29de novembro visitou o noso centro Nuria Rodríguez, xerente de Lugomadera, coa finalidade de ofrecer un taller titulado "Que non te líen, ti elixes" dentro das actividades programadas no Plan Proxecta por 365 de Respecto e Igualdade impulsado pola Cosellería. O noso alumnado participou activamente neste taller con unha mirada crítica e pensamento analítico que nos fai a nós mesmo coma docentes reflexionar nas dinámicas de igualdade que se están a levar a cabo dende o ámbito educativo. Por parte da poñente, resolveu as dúbidas e analizou as distintas situacións nas que hai traballos que se sobreentenden na sociedade coma exclusivamente femininos ou masculinos, intentando romper barreiras que impiden a preferencia por unhas profesións ou outras dependendo do xénero no que nos incluímos. Aquí tedes unhas imaxes e deixamos este enlace no que ver vídeos e máis fotos:  Enlace vídeos e fotos

Neste curso 2023-24 o noso alumnado de 1º curso de Ciclo medio de Xestión Administrativa apostou por representar unha performance na que se destacan os distintos tipos de violencias que sofren, maioritariamente, as mulleres do noso entorno. Se ben queremos destacar a importancia da prevención, non podemos pasar por alto que o noso alumnado é consciente de que moitas veces somos nós mesmos os que exercemos violencias de todo tipo e isto é precisamente o que se subraia na performance: as múltiples situacións cotiás nas que somos instigadores ou cómplices destas violencias que debemos erradicar. Foron dúas as representacións ofertadas para alumnado de 1º da ESO (24 novembro) e paa alumnado de 1º Bac (1 decembro). Deixamos a continuación un par de imaxes e un enlace a drive onde poderedes ver vídeos deses días. Enlace vídeos e máis fotos

Este ano o IES Perdouro colabora de novo con o Concello para a conmemoración do 25 de Novembro e neste caso queremos sumar o noso graniño de area e aportamos estas creacións do alumnado e 2ESO que se sumarán ó "Xardín da Memoria" proposta do Concello de Burela: