IES Perdouro. Por 365 días de respecto e igualdade.

  Escoita o podcast deste evento O venres 25 de novembro o alumnado de 1º da ESO do IES Perdouro de Burela protagonizou unha saída á Casa da Cultura para asistir a unha charla impartida por dous membros da Garda Civil. Tamén había alí alumnado doutros centros educativos: CEIP Virxe Do Carme e CEIP Vista Alegre. O primeiro en intervir foi o alcalde de Burela, don Alfredo Llano, que explicou o motivo do acto, o 25N, Día Internacional da Eliminación da Violencia de Xénero, e dixo que estaba nas mans dos xoves erradicar estes tráxicos episodios. Tamén explicou como se ía desenvolver o acto e dixo que na súa etapa como profesor do Perdouro estivera orgulloso do comportamento do alumnado de 1º da ESO. Acto seguido subiu ao escenario José Díaz, o Concelleiro de Educación, quen presentou os axentes que ían impartir a charla e tamén a dona Mary Fraga, que é a presidenta de BUMEI (a Asociación de Mulleres en Igualdade de Burela). Despois de todas as presentacións empezou o acto. A continuac

Na hora de titoría de 4° de ESO A traballamos sobre a iniciativa de "Movember". O nome desta fundación provén da combinación das palabras "Moustache" e "November". A iniciativa nace en Australia en 2003 e a día de hoxe estendeuse a máis de 21 países. Os seus obxectivos son concienciar á xente sobre os cancros masculinos, próstata e testículos, e agora tamén sobre saúde mental. O seu símbolo é o bigote, un elemento tipicamente masculino, co que se pretende chamar a atención sobre estas doenzas e que se traten no día a día. Isto faino a través dunha rede social onde a xente pode compartir as súas fotos con Bigote e recadar fondos para a investigación nestas materias. A iniciativa non é só masculina, xa que ademais de "Mo Bros" hai "Mo Sistas", que participan con bigotes pintados ou postizos ou simplemente colaborando nas distintas iniciativas .  E aquí o enlace á app que aconsellamos descargar:  Movember app Mais unhos vídeos:

 Marina Rubal e Manuela Seijo foron as encargadas de amosarnos como aprender de xeito lúdico algúns puntos relacionados coa violencia de xénero. O alumnado de 1 ESO e de 1 de CMXAdm quedaron encantados coa experiencia. Grazas rapazas!!

Vídeo mural realizado polo alumnado de 3 ESO de PDC para conmemorar o 25N. https://drive.google.com/file/d/1VZ7NCNkMvIOZ1md9TQzfGdL5sINTeb-c/view?usp=share_link

 Deixamos o enlace ó vídeo realizado no noso IES con motivo da conmemoración do 25 de Novembro, lectura de manifesto polos nosos alumnos. Bo traballo! Xuntxs podemos parar isto!

 Vídeo realizadp polo alumnado de 1º curso do Ciclo Superior de Administración e Finanzas do IES Perdouro para conmemorar o 25N do ano 2022: https://drive.google.com/file/d/1WUU2mB0U2ipEaCuHxjuNXQiqLe5aXDKP/view?usp=share_link